Олон улсын сувилагчдын өдрийг тохиолдуулан сувилагч, эх баригч, эмнэлгийн мэргэжилтнүүд баярын арга хэмжээг ёслол төгөлдөр зохион байгууллаа.
Баярын хурлын арга хэмжээнд аймгийн Иргэдийн төлөөлөгчдийн хурлын нарийн бичгийн дарга С.Ундрах, Эрүүл мэндийн газрын дарга Н.Оюунтуяа бусад албаны хүмүүс оролцож мэндчилгээ дэвшүүлж, салбартаа манлайлан ажиллаж, хамт олноо үлгэрлэн түүчээлж буй шилдэг сувилагч, эх баригч, эмнэлгийн мэргэжилтнүүдэд шагнал гардуулан хүндэтгэл үзүүллээ.
Хүн ардынхаа эрүүл мэндийн төлөө мэдлэг, ур чадвар, сэтгэл зүтгэлээ зориулан ажиллаж буй нийт сувилагч, эх баригч, эмнэлгийн мэргэжилтнүүддээ Олон улсын сувилагчдын өдрийн баярын мэндийг өргөн дэвшүүлж, ажил үйлсэд нь өндөр амжилт, аз жаргал, эрүүл энх, сайн сайхан бүхнийг хүсэн ерөөе.
