БОЭТ-ийн Сувилахуйн албанаас анхны зөвлөх зэрэгтэй сувилагч төрөн гарсантай холбогдуулан Гемодиализын сувилагч П.Мягмарсүрэнд хүндэтгэл үзүүллээ.

Тэрээр сувилагч нараас анхлан “Зөвлөх зэрэг”-ийг амжилттай хамгаалж, байгууллагынхаа түүхэнд шинэ хуудсыг нээж байна.

Мөн тус төвийн захирал Г.Дашжанцан анхдагч болсон сувилагчаа үнэлэн, нэг сарын үндсэн цалингаар урамшууллаа.

БОЭТ-ийн түүхэнд эмнэлгийн мэргэжилтнээс анх 2022 онд эх баригч О.Дэжидмаа “Эх барихуйн зөвлөх зэрэг”-ийг хамгаалж байсан бол сувилагч нараас анхны зөвлөх зэргийг П.Мягмарсүрэн хамгаалсан нь онцлох үйл явдал боллоо.

Салбартаа манлайлан ажиллаж, мэдлэг ур чадвараа ахиулан, хамт олондоо үлгэр дуурайлал үзүүлж буй П.Мягмарсүрэнд цаашдын ажил хөдөлмөрт нь өндөр амжилт хүсье.