---

Өвөрхангай аймаг болон Франц улсын Аллиер мужийн хооронд найрсаг харилцаа тогтоосны 25 жилийн ойд зориулсан баярын хурал Өвөрхангай аймагт ёслол төгөлдөр болж өндөрлөлөө.

25 жилийн хугацаанд:

• Аллиер мужаас 226 мэргэжилтэн Өвөрхангай аймагт ажилласан
• Өвөрхангайгаас 120 гаруй мэргэжилтэн Францад туршлага судалсан
• 4 удаагийн хамтын ажиллагааны гэрээ байгуулсан бөгөөд 5 дахь гэрээ тун удахгүй үзэглэгдэхээр төлөвлөгдөж байна

Баярын арга хэмжээнд Аллиер мужаас тусгайлан хүрэлцэн ирсэн:

• Гүзэн хотын дарга Кристоп Контенсон
• Гадаад харилцааны мэргэжилтэн Вироник Хэрүп
• АПАУ нийгэмлэгийн дэд ерөнхийлөгч Мари Одилл нар үг хэлж, мэндчилгээ дэвшүүлэв.

Мөн тус үйл ажиллагааны хүрээнд Өвөрхангай аймгийн БОЭТ “Франц улсын Аллиер мужийн АПАУ нийгэмлэгээс БОЭТ-д өгсөн өгөөж” сэдэвт гэрэл зургийн үзэсгэлэнг гаргаж, 25 жилийн хамтын ажиллагааны үнэ цэн, үр дүнг олон нийтэд хүргэлээ. Үзэсгэлэнд өнгөрсөн хугацаанд нэвтрүүлсэн техник, тоног төхөөрөмж, сургалт, солилцооны үйл ажиллагааны гэрэл зургуудыг багтаав.

---