Нярайн тусламж үйлчилгээг стандартын дагуу үзүүлэх, прениталь эндэгдлийг бууруулах зорилгоор Нярай судлалын тасгийг мэргэшсэн 3 эмч, 11 сувилагч нарын бүрэлдэхүүнтэй, эмгэг нярайн 14 ортой шинээр зохион байгууллаа. Нярай судлалын тасгийг тусд нь гаргаж зохион байгуулснаар нярайд үзүүлэх тусламж үйлчилгээний чанар сайжирч, нярайн амьдрах чадвар, эрүүл бойжих үндэс болно.
Тус тасгийн нээлтийн үйл ажиллагаанд ЭМГ-ын дарга Д.Шивааннүрдэв, БОЭТ-ийн Стратеги төлөвлөлт эрхэлсэн захирал Г.Дашжанцан, Хүний гавьяат эмч Ч.Банзар, Хүний гавьяат эмч Д.Буниамаа болон ЭМГ, БОЭТ-ийн удирдлагууд оролцлоо.
ЭМГ, МЭИК, Эм холбоо, Сидармед эмнэлэг, Энхийн чимэг эмийн сан, Сансар худалдааны төв, Ази Фарм, Андууд худалдааны төв, Хувиараа бизнес эрхлэгч Батболд, БОЭТ-ийн тасаг албадууд тус тасгийг шинээр байгуулагдаж буйтай холбоотой эмнэлгийн тоног төхөөрөмж болон шаардлагатай компьютер техник хэрэгсэл, ширээ сандал зэргийг хандивлалаа.
Хандив өргөсөн байгууллага хамт олонд талархал илэрхийлье.
Энхрий бяцхан үрс нь эрүүл энх айл бүхэн аз жаргалаар дүүрэн байх болтугай.
