Хөхний хорт хавдар нь Монгол улсын хэмжээнд төдийгүй дэлхий даяар эмэгтэйчүүдийн хавдар дундаас хамгийн түгээмэл тохиолддог хавдар юм. ДЭМБ-ын стастистик мэдээллээр зонхилох 10 байрлалын хорт хавдарт хөхний хавдар орсон байдаг. Монгол улсын хэмжээнд эмэгтэй 100 000 хүн амд зонхилох эхний арван байрлалын хорт хавдрын 16.8 хувь нь хөхний хорт хавдар эзэлж байна. 2022 онд 283 хөхний хорт хавдрын тохиолдол бүртгэгдэж, 2021 онтой харьцуулахад 5 хувиар өсөж, 97 эмэгтэй нас барсан байна.
