---

Өвөрхангай аймгийн БОЭТ-ийн Төлөөлөн удирдах зөвлөлийн ээлжит 4 дүгээр хуралдаан 2022 оны 08 дугаар сарын 11-12-ны өдрүүдэд болж хуралдаанаар дараах асуудлыг хэлэлцэн шийдвэрлэв. Үүнд: Эхний өдрийн хуралдаанаар

1. Төлөөлөн удирдах зөвлөлийн дүрэм
2. Төлөөлөн удирдах зөвлөлөөс 2022-2023 оны эхний хагас жилд хийж гүйцэтгэх үйл ажиллагааны төлөвлөгөө
3. ТУЗ-ын үйл ажиллагааны төсөв зэргийг батлав.

Мөн өдрийн хуралдаанаар Эрүүл мэндийн салбар дахь шинэчлэлийн бодлого, гүйцэтгэлийн санхүүжилт, цахим шилжилтийн талаар ТУЗ-ийн гишүүдэд ТУЗ-ийн дарга П.Оюунцэцэг болон ЭМЯ-ны Санхүү эдийн засгийн газрын ахлах мэргэжилтэн Б.Батчимэг, А.Мөнхжаргал нар мэдээлэл өгөв.

Хуралдааны төгсгөлд Төлөөлөн удирдах зөвлөлийн дарга, гишүүд БОЭТ-ийн хамт олны төлөөлөлтэй уулзаж цаашид эмнэлгийн үйл ажиллагааг хэрхэн  сайжруулах, юун дээр илүүтэй анхаарах шаардлагатай байгаа талаар харилцан санал бодлоо солилцлоо.

 

Төлөөлөн удирдах зөвлөлийн 8 дугаар сарын 12-ны өдрийн хуралдаанаар БОЭТ-ийн 2022 оны эхний хагас жилийн үйл ажиллагааны тайлантай танилцав. Тайланг БОЭТ-ийн захирал Э.Хүдэрчулуун танилцуулан  гүйцэтгэх удирдлагын багийн гишүүд Төлөөлөн удирдах зөвлөлийн гишүүдийн асуултад хариулав. ТУЗ-ийн гишүүдээс эмнэлгийн тайлантай холбогдуулан эмнэлгийн гүйцэтгэх удирдлагад дараах зөвлөмж, үүргийг өгөв. Үүнд:

Ойрын хугацаанд:

1. Үйлчлүүлэгчдийн тав тухтай орчин болон эмнэлгийн ажилчдын ажиллах орчинг сайжруулах зорилгоор юуны өмнө бие засах газрын стандарт хэрэглээг нэвтрүүлэх:
2. Эмнэлгийн ажилчдын усанд орох боломж нөхцөлийг сайжруулах:
3. Ажилчдын цалинг цаг хугацаанд нь олгодог болох, шаардлагатай тохиолдолд эмнэлггийн ажилчдаас санал асуулга авч Хөдөлмөрийн дотоод журамд өөрчлөлт оруулах
4. Эмч сувилагч нарын хоолыг ижил байдлаар олгох

Цаашид:

Байгууллагын хөгжлийн төлөвлөгөө болон Хүний нөөцийн хөгжлийн төлөвлөгөөнд хамт оны хурлаас гарсан санал тухайлбал.

1. Эмнэлгийн мэргэжилтний чадавхийг бэхжүүлэх урт богино хугацаанд дотоодод болон гадаадад сургах:
2. Улсын хэмжээнд үйл ажллагаа явуулдаг УНТЭ-тэй хамтран ажиллах санамж бичиг байгуулах:
3. Эмнэлгийн дотоод сүлжээг сайжруулах
4. Шинээр орсон ажилтанд “Дасан зохицох хөтөлбөр” хэрэгжүүүлэх
5. Аж ахуйн ажилтнуудын ачааллыг бууруулах зорилгоор нэмэлтээр гэрээт ажилтан авч ажиллуулах боломжийг судлах,
6. Ажилчдын гүйцэтгэлийн шалгуур үзүүлэлтийг боловсруулан хэрэгжүүлэх,
7. Эмнэлгийн тасгийн ачаааллыг зохицуулах
8. Эмнэлгийн урсгал засвар, үйлчилгээг сайжруулах гэх мэт асуудлыг тусгахыг зөвлөмж болгов.

Мөн БОЭТ-ийн Эх барих эмэгтэйчүүдийн тасгаас ирсэн гомдолтой холбогдох материал болон Эмнэлгийн Удирдлагын зөвлөлөөс гаргасан шийдвэртэй танилцав. Тус гомдлын шийдвэрлэлтийн талаар БОЭТ-ийн Эмнэлгийн тусламж үйлчилгээний чанарын албаны дарга Д.Болормаа танилцуулав.

Төлөөлөн удирдах зөвлөлийн дарга, гишүүд Аймгийн Засаг дарга А.Ишдоржтой уулзаж, БОЭТ-ийн тусламж үйлчилгээний чанар, хүртээмжийг сайжруулах зорилгоор хийх хөрөнгө оруулалт,  ажилчдын нийгмийн хамгааллыг сайжруулах зорилгоор хийх үйл аиллагааны талаар ярилцаж санал бодлоо солилцов. Аймгийн засаг даргын зүгээс хүн амын эрүүл мэндийг хамгаалахын төлөө ажиллаж байдаг хамгийн чухал салбар, аймгийн хамгийн их ажилчиддтай байгууллага БОЭТөвийн хамт олныг аль болох дэмжиж, тусламж үйлчилгээний чанар хүртээмжийг сайжруулах чиглэлээр БОЭТ болон ТУЗ-ийн үйл ажиллагааг дэмжин байнга хамтран ажиллана гэдгээ илэрхийлэв.

ТУЗ-д Аймгийн Засаг дарга болон, хамтын олны хурлаас гарсан саналын дагуу Тус төвийн гүйцэтгэх удирдлагыг сонгон шалгаруулалтыг  8 дугаар сард багтаан зарлахаар ТУЗ-өөс шийдвэрлэв.

---