”2022 оны 05-р сарын 01-нээс орон даяар “Эрт илрүүлэг, урьдчилан сэргийлэлт, оношилгоог зохион байгуулахтай холбоотойгоор Өвөрхангай аймагт Засгийн газрын 1.3 тэрбум төгрөгийн санхүүжилтээр байгуулагдсан “Эрүүл мэндийн дэмжих төв”-ийн нээлт боллоо. Нээлтэд Эрүүл мэндийн сайд С.Энхболд, ЭМС-ын зөвлөх О.Батбаяр, ЭМЯ-ны НЭМГ-ын дарга Д.Баярболд, Өвөрхангай аймгийн засаг дарга А. Ишдорж, ЭМГ-ын дарга Д.Шивааннүрдэв, БОЭТ-ийн захирал Э.Хүдэрчулуун болон эмнэлгийн удирдлагууд оролцлоо. ”Эрүүл мэндийн дэмжих төв” нь хүн амыг зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг, шинжилгээ, оношилгоонд хамруулах төв юм.
