Арвайхээр сумын Мэргэд лаборатори сургуулийн 10-12 дугаар ангийн сурагчдыг урьдчилан сэргийлэх үзлэгт хамруулж, эрүүл мэндийн боловсрол олгох сургалт зохион байгууллаа.
Урьдчилан сэргийлэх үзлэгт нийт 236 хүүхэд хамрагдаснаас , нүдний харааны гажиг, өөрчлөлттэй 23,3%, шүдний хорхойтой, буйлны үрэвсэлтэй, шүдний чулуутай 44,1% хүүхэд оношлогдсон байна.
Цаашид сургуулийн эмчтэй хамтран өвчлөл илэрсэн хүүхдүүдийг эмчлэн эрүүлжүүлэх төлөвлөгөө гарган хэрэгжүүлнэ.
Үзлэгт хамрагдсан охидуудад “Охидын Бэлгийн ариун цэвэр”, “Сарын тэмдгийн мөчлөгийн үеийн өвдөлт намдаах арга”, “БЗХӨвчин” зэрэг сэдвүүдээр сургалт орж бүлгийн ярилцлага хийж, хөвгүүдэд “Улаан шугам ба Охид хөвгүүд”, “Мэдрэмж”, сэтгэл хөдлөлөө таних, удирдах, гадагшлуулах арга зүйд суралцахад чиглүүлэн. Бие хүний харилцаа хандлагыг судлах проектив арга зүйгээр тодорхойлж, сэтгэл хөдлөл зан үйлийн тулгамдсан асуудлаа тодорхойлон бүлгийн ярилцлага зохион байгуулсан.
Дээрх өсвөр үеийнхэнд зориулсан үзлэг оношилгоо, сургалтын үйл ажиллагаа үе шаттайгаар үргэлжлэх болно.
